শ্রীমদ্ভগবদ্গীতা - দ্বিতীয় অধ্যায় - সাংখ্যযোগ

দ্বিতীয় অধ্যায়

সাংখ্যযোগ

মূল

পাঠ সংকেত

সঞ্জয় উবাচ
তং তথা কৃপয়াবিষ্টমশ্রুপূর্ণাকুলেক্ষণম্।
বিষীদন্তমিদং বাক্যমুবাচ মধুসূদনঃ ॥ ১

শ্রীভগবানুবাচ
কুতস্ত¡া কশ্মলমিদং বিষমে সমুপস্থিতম্।
অনার্যজুষ্টমস্বর্গ্যমকীর্তিকরমর্জুন ॥ ২

ক্লৈব্যং মাস্ম গমঃ পার্থ নৈতৎ ত্বয্যুপপদ্যতে।
ক্ষুদ্রং হৃদয়দৌর্বল্যং ত্যক্তে¡াত্তিষ্ঠ পরন্তপ ॥ ৩

অর্জুন উবাচ
কথং ভীষ্মমহং সংখ্যে দ্রোণঞ্চ মধুসূদন।
ইষুভিঃ প্রতিযোৎস্যামি পূজার্হাবরিসূদন ॥ ৪

গুরূনহত্বা হি মহানুভাবান্
শ্রেয়ো ভোক্তুং ভৈক্ষ্যমপীহলোকে।
হত্বার্থকামাংস্তু গুরূনিহৈব
ভুঞ্জীয় ভোগান্ রুধিরপ্রদিগ্ধান্ ॥ ৫

ন চৈতদ্বিদ্মঃ কতরন্নো গরীয়ো
যদ্বা জয়েম যদি বা নো জয়েয়ুঃ।
যানেব হত্বা ন জিজীবিষাম-
স্তেহবস্থিতাঃ প্রমুখে ধার্তরাষ্ট্রাঃ ॥ ৬

কার্পণ্যদোষোপহতস্বভাবঃ
পৃচ্ছামি ত্বাং ধর্মসংমূঢ়চেতাঃ।
যচ্ছ্রেয়ঃ স্যান্নিশ্চিতং ব্রƒহি তন্মে
শিষ্যস্তেহহং শাধি মাং ত্বাং প্রপন্নম্ ॥ ৭

ন হি প্রপশ্যামি মমাপনুদ্যাদ্
যচ্ছোকমুচ্ছোষণমিন্দ্রিয়াণাম্।
অবাপ্য ভূমাবসপত্নমৃদ্ধং
রাজ্যং সুরাণামপি চাধিপত্যম্ ॥ ৮

সঞ্জয় উবাচ
এবমুক্ত¡া হৃষীকেশং গুড়াকেশঃ পরন্তপঃ।
ন যোৎস্য ইতি গোবিন্দমুক্ত¡া তূষ্ণীং বভূব হ ॥ ৯

তমুবাচ হৃষীকেশঃ প্রহসন্নিব ভারত।
সেনয়োরুভয়োর্মধ্যে বিষীদন্তমিদং বচঃ ॥ ১০

শ্রীভগবানুবাচ
অশোচ্যানন্বশোচস্ত¡ং প্রজ্ঞাবাদাংশ্চ ভাষসে।
গতাসূনগতাসূংশ্চ নানুশোচন্তি পণ্ডিতাঃ ॥ ১১

ন ত্বেবাহং জাতু নাসং ন ত্বং নেমে জনাধিপাঃ।
ন চৈব ন ভবিষ্যামঃ সর্বে বয়মতঃপরম্ ॥ ১২

দেহিনোহস্মিন্ যথা দেহে কৌমারং যৌবনং জরা।
তথা দেহান্তরপ্রাপ্তির্ধীরস্তত্র ন মুহ্যতি ॥ ১৩

মাত্রাস্পর্শাস্তু কৌন্তেয় শীতোষ্ণসুখদুঃখদাঃ।
আগমাপায়িনোহনিত্যাস্তাংস্তিতিক্ষস্ব ভারত ॥ ১৪

যং হি ন ব্যথয়ন্ত্যেতে পুরুষং পুরুষর্ষভ।
সমদুঃখসুখং ধীরং সোহমৃতত্বায় কল্পতে ॥ ১৫

নাসতো বিদ্যতে ভাবো নাভাবো বিদ্যতে সতঃ।
উভয়োরপি দৃষ্টোহন্তস্ত¡নয়োস্তত্ত্বদর্শিভিঃ ॥ ১৬

অবিনাশি তু তদ্ধিদ্ধি যেন সর্বমিদং ততম্।
বিনাশমব্যয়স্যাস্য ন কশ্চিৎ কর্তুমর্হতি ॥ ১৭

অন্তবন্ত ইমে দেহা নিত্যস্যোক্তাঃ শরীরিণঃ।
অনাশিনোহপ্রমেয়স্য তস্মাদ্ যুধ্যস্ব ভারত ॥ ১৮

য এবং বেত্তি হন্তারং যশ্চৈনং মন্যতে হতম্।
উভৌ তৌ ন বিজানীতো নায়ং হন্তি ন হন্যতে ॥ ১৯

ন জায়তে ম্রিয়তে বা কদাচিৎ
নায়ং ভূত্বাহভবিতা বা ন ভূয়ঃ।
অজো নিত্যঃ শাশ্বতোহয়ং পুরাণো
ন হন্যতে হন্যমানে শরীরে ॥ ২০

বেদাবিনাশিনং নিত্যং য এনমজমব্যয়ম্।
কথং স পুরুষঃ পার্থ কং ঘাতয়তি হন্তি কম্ ॥ ২১

বাসাংসি জীর্ণানি যথা বিহায়
নবানি গৃহ্ণাতি নরোহপরাণি।
তথা শরীরাণি বিহায় জীর্ণা-
ন্যন্যানি সংযাতি নবানি দেহী ॥ ২২

নৈনং ছিন্দন্তি শস্ত্রাণি নৈনং দহতি পাবকঃ।
ন চৈনং ক্লেদয়ন্ত্যাপো ন শোষয়তি মারুতঃ ॥ ২৩

অচ্ছেদ্যোহয়মদাহ্যোহয়মক্লেদ্যোহশোষ্য এব চ।
নিত্যঃ সর্বগতঃ স্থাণুরচলোহয়ং সনাতনঃ ॥ ২৪

অব্যক্তোহয়মচিন্ত্যোহয়মবিকার্যোহংমুচ্যতে।
তস্মাদেবং বিদিত্বৈনং নানুশোচিতুমর্হসি ॥ ২৫

অথ চৈনং নিত্যজাতং নিত্যং বা মন্যসে মৃতম্।
তথাপি ত্বং মহাবাহো নৈনং শোচিতুমর্হসি ॥ ২৬

জাতস্য হি ধ্রুবো মৃত্যুধ্রর্“বং জন্ম মৃতস্য চ।
তস্মাদপরিহার্যেহর্থে ন ত্বং শোচিতুমর্হসি ॥ ২৭

অব্যক্তাদীনি ভূতানি ব্যক্তমধ্যানি ভারত।
অব্যক্তনিধনান্যেব তএ কা পরিদেবনা ॥ ২৮

আশ্চর্যবৎ পশ্যতি কশ্চিদেন-
মাশ্চর্যবদ্ বদতি তথৈব চান্যঃ।
আশ্চর্যবচ্চৈনমন্যঃ শৃণোতি
শ্রুত্বাপ্যেনং বেদ ন চৈব কশ্চিৎ ॥ ২৯

দেহী নিত্যমবধ্যোহয়ং দেহে সর্বস্য ভারত।
তস্মাৎ সর্বাণি ভূতানি ন ত্বং শোচিতুমর্হসি ॥ ৩০

স্বধর্মমপি চাবেক্ষ্য ন বিকম্পিতুমর্হসি।
ধর্ম্যাদ্ধি যুদ্ধাচ্ছ্রেয়োহন্যৎ ক্ষত্রিয়স্য ন বিদ্যতে ॥ ৩১

যদৃচ্ছয়া চোপপন্নং স্বর্গদ্বারমপাবৃতম্।
সুখিনঃ ক্ষত্রিয়াঃ পার্থ লভন্তে যুদ্ধমীদৃশম্ ॥ ৩২

অথ চেৎ ত্বমিমং ধর্ম্যং সংগ্রামং ন করিষ্যসি।
ততঃ স্বধর্মং কীর্তিং চ হিত্বা পাপমবাপ্স্যসি ॥ ৩৩

অকীর্তিং চাপি ভূতানি কথয়িষ্যন্তি তেহব্যয়াম্।
সম্ভাবিতস্য চাকীর্তির্মরণাদতিরিচ্যতে ॥ ৩৪

ভয়াদ্ রণাদুপরতং মংস্যন্তে ত্বাং মহারথাঃ।
যেষাং চ ত্বং বহুমতো ভূত্বা যাস্যসি লাঘবম্ ॥ ৩৫

অবাচ্যবাদাংশ্চ বহূন্ বদিষ্যন্তি তবাহিতাঃ।
নিন্দন্তস্তব সামর্থ্যং ততো দুঃখতরং নু কিম্ ॥ ৩৬

হতো বা প্রাপ্স্যসি স্বর্গং জিত্বা বা ভোক্ষ্যসে মহীম্।
তস্মাদুত্তিষ্ঠ কৌন্তেয় যুদ্ধায় কৃতনিশ্চয়ঃ ॥ ৩৭

সুখদুঃখে সমে কৃত্বা লাভালাভৌ জয়াজয়ৌ।
ততো যুদ্ধায় যুজ্যস্ব নৈবং পাপমবাপ্স্যসি ॥ ৩৮

এষা তেহভিহিতা সাংখ্যে বুদ্ধির্যোগে ত্বিমাং শৃণু।
বুদ্ধ্যা যুক্তো যয়া পার্থ কর্মবন্ধং প্রহাস্যসি ॥ ৩৯

নেহাভিক্রমনাশোহস্তি প্রত্যবায়ো ন বিদ্যতে।
স্বল্পমপ্যস্য ধর্মস্য ত্রায়তে মহতো ভয়াৎ ॥ ৪০

ব্যবসায়াত্মিকা বুদ্ধিরেকেহ কুরুনন্দন।
বহুশাখা হ্যনন্তাশ্চ বুদ্ধয়োহব্যবসায়িনাম্ ॥ ৪১

যামিমাং পুষ্পিতাং বাচং প্রবদন্ত্যবিপশ্চিতঃ।
বেদবাদরতাঃ পার্থ নান্যদস্তীতিবাদিনঃ ॥ ৪২

কামাত্মানঃ স্বর্গপরা জন্মকর্মফলপ্রদাম্।
ক্রিয়াবিশেষবহুলাং ভোগৈশ্বর্যগতিং প্রতি ॥ ৪৩

ভোগৈশ্বর্যপ্রসক্তানাং তয়াপহৃতচেতসাম্।
ব্যবসায়াত্মিকা বুদ্ধিঃ সমাধৌ ন বিধীয়তে ॥ ৪৪

ত্রৈগুণ্যবিষয়া বেদা নিস্ত্রৈগুণ্যো ভবার্জুন।
নির্দ্বন্দ্বো নিত্যসত্ত্বস্থো নির্যোগক্ষেম আত্মবান্ ॥ ৪৫

যাবানর্থ উদপানে সর্বতঃ সংপ¬ুতোদকে
তাবান্ সর্বেষু বেদেষু ব্রাহ্মণস্য বিজানতঃ ॥ ৪৬

কর্মণ্যেবাধিকারস্তে মা ফলেষু কদাচন।
মা কর্মফলহেতুর্ভূমা তে সঙ্গোহস্ত¡কর্মণি ॥ ৪৭

যোগস্থঃ কুরু কর্মাণি সঙ্গং ত্যক্ত¡া ধনঞ্জয়।
সিদ্ধ্যসিদ্ধ্যোঃ সমো ভূত্বা সমত্বং যোগ উচ্যতে ॥ ৪৮

দূরেণ হ্যবরং কর্ম বুদ্ধিযোগাদ্ ধনঞ্জয়।
বুদ্ধৌ শরণমন্বিচ্ছ কৃপণাঃ ফলহেতবঃ ॥ ৪৯

বুদ্ধিযুক্তো জহাতীহ উভে উভে সুকৃতদু®কৃতে।
তস্মাদ্ যোগায় যুজ্যস্ব যোগঃ কর্মসু কৌশলম্ ॥ ৫০

কর্মজং বুদ্ধিযুক্তা হি ফলং ত্যক্ত¡া মণীষিণঃ।
জন্মবন্ধবিনির্মুক্তাঃ পদং গচ্ছন্ত্যনাময়ম্ ॥ ৫১

যদা তে মোহকলিলং বুদ্ধির্ব্যতিতরিষ্যতি।
তদা গন্তাসি নির্বেদং শ্রোতব্যস্য শ্রুতস্য চ ॥ ৫২

শ্রুতিবিপ্রতিপন্না তে যদা স্থাস্যতি নিশ্চলা।
সমাধাবচলা বুদ্ধিস্তদা যোগমবাপ্স্যসি ॥ ৫৩

অর্জুন উবাচ
স্থিতপ্রজ্ঞস্য কা ভাষা সমাধিস্থস্য কেশব।
স্থিতধীঃ কিং প্রভাষেত কিমাসীত ব্রজেত কিম্ ॥ ৫৪

শ্রীভগবানুবাচ
প্রজহাতি যদা কামান্ সর্বান্ পার্থ মনোগতান্।
আত্মন্যেবাত্মনা তুষ্টঃ স্থিতপ্রজ্ঞস্তদোচ্যতে ॥ ৫৫

দুঃখেষ¡নুদ্বিগ্নমনাঃ সুখেষু বিগতস্পৃহঃ।
বীতরাগভয়ক্রোধঃ স্থিতধীর্মুনিরুচ্যতে ॥ ৫৬

যঃ সর্বত্রানভিস্নেহস্তত্তৎ প্রাপ্য শুভাশুভম্।
নাভিনন্দতি ন দ্বেষ্টি তস্য প্রজ্ঞা প্রতিষ্ঠিতা ॥ ৫৭

যদা সংহরতে চায়ং কূর্মোহঙ্গানীব সর্বশঃ।
ইন্দ্রিয়াণীন্দ্রিয়ার্থেভ্যস্তস্য প্রজ্ঞা প্রতিষ্ঠিতা ॥ ৫৮

বিষয়া বিনিবর্তন্তে নিরাহারস্য দেহিনঃ।
রসবর্জং রসোহপ্যস্য পরং দৃষ্ট¡া নিবর্ততে ॥ ৫৯

যততো হ্যপি কৌন্তেয় পুরুষস্য বিপশ্চিতঃ।
ইন্দ্রিয়াণি প্রমাথীনি হরন্তি প্রসভং মনঃ ॥ ৬০

তানি সর্বাণি সংযম্য যুক্ত আসীত মৎপরঃ।
বশে হি যস্যেন্দ্রিয়াণি তস্য প্রজ্ঞা প্রতিষ্ঠিতা ॥ ৬১

ধ্যায়তো বিষয়ান্ পুংসঃ সঙ্গস্তেষূপজায়তে।
সঙ্গাৎ সঞ্জায়তে কামঃ কামাৎ ক্রোধাহভিজায়তে ॥ ৬২

ক্রোধাদ্ ভবতি সম্মোহঃ সম্মোহাৎ স্মৃিতবিভ্রমঃ।
স্মৃতিভ্রংশাদ্ বুদ্ধিনাশো বুদ্ধিনাশাৎ প্রণশ্যতি ॥ ৬৩

রাগদ্বেষবিযুক্তৈস্তু বিষয়ানিন্দ্রিয়ৈশ্চরন্।
আত্মবশ্যৈর্বিধেয়াত্মা প্রসাদমধিগচ্ছতি ॥ ৬৪

প্রসাদে সর্বদুঃখনাং হানিরস্যোপজায়তে।
প্রসন্নচেতসো হ্যাশু বুদ্ধিঃ পর্যবতিষ্ঠতে ॥ ৬৫

নাস্তি বুদ্ধিরযুক্তস্য ন চাযুক্তস্য ভাবনা।
ন চাভাবয়তঃ শান্তিরশান্তস্য কুতঃ সুখম্ ॥ ৬৬

ইন্দ্রিয়াণাং হি চরতাং যন্মনোহনুবিধীয়তে।
তদস্য হরতি প্রজ্ঞাং বায়ুর্নাবমিবাম্ভসি ॥ ৬৭

তস্মাদ্ যস্য মহাবাহো নিগৃহীতানি সর্বশঃ।
ইন্দ্রিয়াণীন্দ্রিয়ার্থেভ্যস্তস্য প্রজ্ঞা প্রতিষ্ঠিতা ॥ ৬৮

যা নিশা সর্বভূতানাং তস্যাং জাগর্তি সংযমী।
যস্যাং জাগ্রতি ভূতানি সা নিশা পশ্যতো মুনেঃ ॥ ৬৯

আপূর্যমাণমচলপ্রতিষ্ঠং
সমুদ্রমাপঃ প্রবিশন্তি যদ্বৎ।
তদ্বৎ কামা যং প্রবিশন্তি সর্বে
স শান্তিমাপ্নোতি ন কামকামী ॥ ৭০

বিহায় কামান্ যঃ সর্বান্ পুমাংশ্চরতি নিঃস্পৃহঃ।
নির্মমো নিরহঙ্কারঃ স শান্তিমধিগচ্ছতি ॥ ৭১

এষা ব্রাহ্মী স্থিতিঃ পার্থ নৈনাং প্রাপ্য বিমুহ্যতি।
স্থিত্বাহস্যামন্তকালেহপি ব্রহ্মনির্বাণমৃচ্ছতি ॥ ৭২

সঞ্জয় উবাচ
তং তথা কৃপয়া আবিষ্টম্ অশ্রুপূর্ণ আকুল ঈক্ষণম্।
বিষীদন্তম্ ইদং বাক্যম্ উবাচ মধুসূদনঃ ॥ ১

শ্রীভগবান্ উবাচ
কুতঃ ত্বা কশ্মলম্ ইদং বিষমে সমুপস্থিতম্।
অনার্যজুষ্টম্ অস্বর্গ্যম্ অকীর্তিকরম্ অর্জুন ॥ ২

ক্লৈব্যং মাস্ম গমঃ পার্থ নৈতৎ ত্বয়ি উপপদ্যতে।
ক্ষুদ্রং হৃদয়-দৌর্বল্যং ত্যক্ত¡া উত্তিষ্ঠ পরন্তপ ॥ ৩

অর্জুন উবাচ
কথং ভীষ্মম্ অহং সংখ্যে দ্রোণম্ চ মধুসূদন।
ইষুভিঃ প্রতিযোৎস্যামি পূজা-অর্হৌ অরিসূদন ॥ ৪

গুরূন্ অহত্বা হি মহানুভাবান্
শ্রেয়ঃ ভোক্তুং ভৈক্ষ্যম্ অপি ইহ লোকে।
হত্বা অর্থকামান্ তু গুরূন্ ইব এব
ভুঞ্জীয় ভোগান্ রুধির প্রদিগ্ধান্ ॥ ৫

ন চ এতৎ বিদ্মঃ কতরৎ নঃ গরীয়ঃ
যদ্বা জয়েম যদি বা নঃ জয়েয়ুঃ।
যান্ এব হত্বা ন জিজীবিষামঃ-
তে অবস্থিতাঃ প্রমুখে ধার্তরাষ্ট্রাঃ ॥ ৬

কার্পণ্য-দোষ-উপহত-স্বভাবঃ
পৃচ্ছামি ত্বাম্ ধর্ম-সংমূঢ়-চেতাঃ।
যৎ শ্রেয়ঃ স্যাৎ নিশ্চিতং ব্রƒহি তৎ মে
শিষ্যঃ তে অহং শাধি মাম্ ত্বাম্ প্রপন্নম্ ॥ ৭

ন হি প্রপশ্যামি মম অপনুদ্যাৎ
যৎ শোকম্ উচ্ছোষণম্ ইন্দ্রিয়াণাম্।
অবাপ্য ভূমৌ অসপত্নম্ ঋদ্ধং
রাজ্যং সুরাণাম্ অপি চ অধিপত্যম্ ॥ ৮

সঞ্জয় উবাচ
এবম্ উক্ত¡া হৃষীকেশং গুড়াকেশঃ পরন্তপঃ।
ন যোৎস্য ইতি গোবিন্দম্ উক্ত¡া তূষ্ণীং বভূব হ ॥ ৯

তম্ উবাচ হৃষীকেশঃ প্রহসন্ ইব ভারত।
সেনয়োঃ উভয়োঃ মধ্যে বিষীদন্তম্ ইদং বচঃ ॥ ১০

শ্রীভগবান্ উবাচ
অশোচ্যান্ অন্বশোচঃ ত্বং প্রজ্ঞাবাদান্ চ ভাষসে।
গতাসূন্ অগতাসূন্ চ ন অনুশোচন্তি পণ্ডিতাঃ ॥ ১১

ন তু এব অহং জাতু নাসং ন ত্বং নেমে জনাধিপাঃ।
ন চ এব ন ভবিষ্যামঃ সর্বে বয়ম্ অতঃ পরম্ ॥ ১২

দেহিনো অস্মিন্ যথা দেহে কৌমারং যৌবনং জরা।
তথা দেহান্তর প্রাপ্তিঃ ধীরঃ তত্র ন মুহ্যতি ॥ ১৩

মাত্রাস্পর্শাঃ তু কৌন্তেয় শীত উষ্ণ সুখ দুঃখদাঃ।
আগম অপায়িনঃ অনিত্যাঃ তান্ তিতিক্ষস্ব ভারত ॥ ১৪

যং হি ন ব্যথয়ন্তি এতে পুরুষং পুরুষর্ষভ।
সম দুঃখসুখং ধীরং সঃ অমৃতত্বায় কল্পতে ॥ ১৫

ন অসতঃ বিদ্যতে ভাবঃ ন অভাবঃ বিদ্যতে সতঃ।
উভয়োঃ অপি দৃষ্টঃ অন্তঃ তু অনয়োঃ তত্ত্বদর্শিভিঃ ॥ ১৬

অবিনাশি তু তৎ বিদ্ধি যেন সর্বম্ ইদং ততম্।
বিনাশম্ অব্যয়স্য অস্য ন কশ্চিৎ কর্তুম অর্হতি ॥ ১৭

অন্তবন্তঃ ইমে দেহাঃ নিত্যস্য উক্তাঃ শরীরিণঃ।
অনাশিনঃ অপ্রমেয়স্য তস্মাৎ যুধ্যস্ব ভারত ॥ ১৮

যঃ এবম্ বেত্তি হন্তারং যঃ চ এনং মন্যতে হতম্।
উভৌ তৌ ন বিজানীতঃ ন অয়ম্ হন্তি ন হন্যতে ॥ ১৯

ন জায়তে ম্রিয়তে বা কদাচিৎ
ন অয়ং ভূত্বা ভবিতা বা ন ভূয়ঃ।
অজঃ নিত্যঃ শাশ্বতঃ অয়ং পুরাণঃ
ন হন্যতে হন্যমানে শরীরে ॥ ২০

বেদ অবিনাশিনং নিত্যং যঃ এনম্ অজম্ অব্যয়ম্।
কথং সঃ পুরুষঃ পার্থ কং ঘাতয়তি হন্তি কম্ ॥ ২১

বাসাংসি জীর্ণানি যথা বিহায়
নবানি গৃহ্ণাতি নরঃ অপরাণি।
তথা শরীরাণি বিহায় জীর্ণা-
ন্যন্যানি সংযাতি নবানি দেহী ॥ ২২

নৈনং ছিন্দন্তি শস্ত্রাণি নৈনং দহতি পাবকঃ।
ন চৈনং ক্লেদয়ন্তি আপঃ ন শোষয়তি মারুতঃ ॥ ২৩

অচ্ছেদ্যঃ অয়ম্ অদাহ্যঃ অয়ম্ অক্লেদ্যঃ অশোষ্যঃ এব চ।
নিত্যঃ সর্বগতঃ স্থাণুঃ অচলঃ অয়ম্ সনাতনঃ ॥ ২৪

অব্যক্তঃ অয়ম্ অচিন্ত্যঃ অয়ম্ অবিকার্যঃ অয়ম্ উচ্যতে।
তস্মাৎ এবং বিদিত্বা এনং ন অনুশোচিতুম্ অর্হসি ॥ ২৫

অথ চৈনং নিত্য জাতং নিত্যং বা মন্যসে মৃতম্।
তথাপি ত্বং মহাবাহো নৈনং শোচিতুম্ অর্হসি ॥ ২৬

জাতস্য হি ধ্রুবঃ মৃত্যুঃ ধ্রুবং জন্ম মৃতস্য চ।
তস্মাৎ অপরিহার্যে অর্থে ন ত্বং শোচিতুম্ অর্হসি ॥ ২৭

অব্যক্তাদীনি ভূতানি ব্যক্তমধ্যানি ভারত।
অব্যক্তনিধনানি এব তএ কা পরিদেবনা ॥ ২৮

আশ্চর্যবৎ পশ্যতি কশ্চিৎ এনম্
আশ্চর্যবৎ বদতি তথা এব চ অন্যঃ।
আশ্চর্যবৎ চ এনম্ অন্যঃ শৃণোতি
শ্রুত্বা অপি এনং বেদ ন চ এব কশ্চিৎ ॥ ২৯

দেহী নিত্যম্ অবধ্যঃ অয়ং দেহে সর্বস্য ভারত।
তস্মাৎ সর্বাণি ভূতানি ন ত্বং শোচিতুম্ অর্হসি ॥ ৩০

স্বধর্মম্ অপি চ অবেক্ষ্য ন বিকম্পিতুম্ অর্হসি।
ধর্ম্যাৎ হি যুদ্ধাৎ শ্রেয়ঃ অন্যৎ ক্ষত্রিয়স্য ন বিদ্যতে ॥ ৩১

যদৃচ্ছয়া চ উপপন্নং স্বর্গদ্বারম্ অপাবৃতম্।
সুখিনঃ ক্ষত্রিয়াঃ পার্থ লভন্তে যুদ্ধম্ ঈদৃশম্ ॥ ৩২

অথ চেৎ ত্বম্ ইমং ধর্ম্যং সংগ্রামং ন করিষ্যসি।
ততঃ স্বধর্মং কীর্তিম্ চ হিত্বা পাপ্ অবাপ্স্যসি ॥ ৩৩

অকীতিম্ চ অপি ভূতানি কথয়িষ্যন্তি তে অব্যয়াম্।
সম্ভাবিতস্য চ অকীর্তিঃ মরণাৎ অতিরিচ্যতে ॥ ৩৪

ভয়াৎ রণাৎ উপরতং মংস্যন্তে ত্বাং মহারথাঃ।
যেষাং চ ত্বং বহুমতঃ ভূত্বা যাস্যসি লাঘবম্ ॥ ৩৫

অবাচ্যবাদান্ চ বহূন্ বদিষ্যন্তি তব অহিতাঃ।
নিন্দন্তঃ তব সামর্থ্যং ততঃ দুঃখতরং নু কিম্ ॥ ৩৬

হতঃ বা প্রাপ্স্যসি স্বর্গং জিত্বা বা ভোক্ষ্যসে মহীম্।
তস্মাৎ উত্তিষ্ঠ কৌন্তেয় যুদ্ধায় কৃতনিশ্চয়ঃ ॥ ৩৭

সুখদুঃখে সমে কৃত্বা লাভালাভৌ জয়াজয়ৌ।
ততঃ যুদ্ধায় যুজ্যস্ব নৈবং পাপম্ অবাপ্স্যসি ॥ ৩৮

এষা তে অভিহিতা সাংখ্যে বুদ্ধিঃ যোগে তু ইমাং শৃণু।
বুদ্ধ্যা যুক্তঃ যয়া পার্থ কর্মবন্ধং প্রহাস্যসি ॥ ৩৯

ন ইহ অভিক্রমনাশঃ অস্তি প্রত্যবায়ঃ ন বিদ্যতে।
স্বল্পম্ অপি অস্য ধর্মস্য ত্রায়তে মহতঃ ভয়াৎ ॥ ৪০

ব্যবসায়াত্মিকা বুদ্ধিঃ একা ইহ কুরুনন্দন।
বহুশাখাঃ হি অনন্তাঃ চ বুদ্ধয়ঃ অব্যবসায়িনাম্ ॥ ৪১

যামিমাং পুষ্পিতাং বাচং প্রবদন্তি অবিপশ্চিতঃ।
বেদ-বাদরতাঃ পার্থ ন অন্যাৎ অস্তি ইতি বাদিনঃ ॥ ৪২

কামাত্মানঃ স্বর্গপরাঃ জন্মকর্মফল প্রদাম্।
ক্রিয়াবিশেষ-বহুলাম্ ভোগ-ঐশ্বর্য-গতিম্ প্রতি ॥ ৪৩

ভোগ-ঐশ্বর্য-প্রসক্তানাং তয়া অপহৃত-চেতসাম্।
ব্যবসায়াত্মিকা বুদ্ধিঃ সমাধৌ ন বিধীয়তে ॥ ৪৪

ত্রৈগুণ্যবিষয়াঃ বেদাঃ নিস্ত্রৈগুণ্যঃ ভব অর্জুন।
নির্দ্বন্দ্বঃ নিত্যসত্ত্বস্থঃ নির্যোগক্ষেম আত্মবান্ ॥ ৪৫

যাবান অর্থঃ উদপানে সর্বতঃ সংপ¬ুতোদকে
তাবান্ সর্বেষু বেদেষু ব্রাহ্মণস্য বিজানতঃ ॥ ৪৬

কর্মণি এব অধিকারঃ তে মা ফলেষু কদাচন।
মা কর্মফল-হেতুঃ ভূঃ মা তে সঙ্গঃ অস্তু অকর্মণি ॥ ৪৭

যোগস্থঃ কুরু কর্মাণি সঙ্গং ত্যক্ত¡া ধনঞ্জয়।
সিদ্ধ্যসিদ্ধ্যোঃ সমঃ ভূত্বা সমত্বং যোগ উচ্যতে ॥ ৪৮

দূরেণ হি অবরং কর্ম বুদ্ধি-যোগাৎ ধনঞ্জয়।
বুদ্ধৌ শরণম্ অন্বিচ্ছ কৃপণাঃ ফলহেতবঃ ॥ ৪৯

বুদ্ধিযুক্তঃ জহাতি ইহ উভে সুকৃত-দু®কৃতে।
তস্মাৎ যোগায় যুজ্যস্ব যোগঃ কর্মসু কৌশলম্ ॥ ৫০

কর্মজং বুদ্ধিযুক্তাঃ হি ফলং ত্যক্ত¡া মণীষিণঃ।
জন্ম-বন্ধ-বিনির্মুক্তাঃ পদং গচ্ছন্তি ন-আময়ম্ ॥ ৫১

যদা তে মোহ-কলিলং বুদ্ধিঃ ব্যতিতরিষ্যতি।
তদা গন্তাসি নির্বেদং শ্রোতব্যস্য শ্রুতস্য চ ॥ ৫২

শ্রুতি বিপ্রতিপন্না তে যদা স্থাস্যতি নিশ্চলা।
সমাধৌ অচলা বুদ্ধিঃ তদা যোগমবাপ্স্যসি ॥ ৫৩

অর্জুন উবাচ
স্থিতপ্রজ্ঞস্য কা ভাষা সমাধিস্থস্য কেশব।
স্থিতধীঃ কিং প্রভাষেত কিম্ আসীত ব্রজেত কিম্ ॥ ৫৪

শ্রীভগবান্ উবাচ
প্রজহাতি যদা কামান্ সর্বান্ পার্থ মনোগতান্।
আত্মনি এব আত্মনা তুষ্টঃ স্থিতপ্রজ্ঞঃ তদা উচ্যতে ॥ ৫৫

দুঃখেষু অনুদ্বিগ্নমনাঃ সুখেষু বিগতস্পৃহঃ।
বীত-রাগ-ভয়-ক্রোধঃ স্থিতধীঃ মুনিঃ উচ্যতে ॥ ৫৬

যঃ সর্বত্র অনভিস্নেহ তৎতৎ প্রাপ্য শুভ অশুভম্।
ন অভিনন্দতি ন দ্বেষ্টি তস্য প্রজ্ঞা প্রতিষ্ঠিতা ॥ ৫৭

যদা সংহরতে চ অয়ম্ কূর্মঃ অঙ্গানি ইব সর্বশঃ।
ইন্দ্রিয়াণি ইন্দ্রিয়ার্থেভ্যঃ তস্য প্রজ্ঞা প্রতিষ্ঠিতা ॥ ৫৮

বিষয়াঃ বিনিবর্তন্তে নিরাহারস্য দেহিনঃ।
রস-বর্জম্ রসঃ অপি অস্য পরং দৃষ্ট¡া নিবর্ততে ॥ ৫৯

যততঃ হি অপি কৌন্তেয় পুরুষস্য বিপশ্চিতঃ।
ইন্দ্রিয়াণি প্রমাথীনি হরন্তি প্রসভম্ মনঃ ॥ ৬০

তানি সর্বাণি সংযম্য যুক্তঃ আসীত মৎপরঃ।
বশে হি যস্য ইন্দ্রিয়াণি তস্য প্রজ্ঞা প্রতিষ্ঠিতা ॥ ৬১

ধ্যায়তঃ বিষয়ান্ পুংসঃ সঙ্গঃ তেষূ উপজায়তে।
সঙ্গাৎ সঞ্জায়তে কামঃ কামাৎ ক্রোধঃ অভিজায়তে ॥ ৬২

ক্রোধাৎ ভবতি সম্মোহঃ সম্মোহাৎ স্মৃিতবিভ্রমঃ।
স্মৃতি ভ্রংশাৎ বুদ্ধিনাশঃ বুদ্ধিনাশাৎ প্রণশ্যতি ॥ ৬৩

রাগ-দ্বেষ-বিযুক্তৈঃ তু বিষয়ান্ ইন্দ্রিয়ৈঃ চরন্।
আত্মবশ্যৈঃ বিধেয়াত্মা প্রসাদম্ অধিগচ্ছতি ॥ ৬৪

প্রসাদে সর্ব দুঃখনাং হানিঃ অস্য উপজায়তে।
প্রসন্নচেতসঃ হি আশু বুদ্ধিঃ পর্যবতিষ্ঠতে ॥ ৬৫

নাস্তি বুদ্ধিঃ অযুক্তস্য ন চ অযুক্তস্য ভাবনা।
ন চ অভাবয়তঃ শান্তিঃ অশান্তস্য কুতঃ সুখম্ ॥ ৬৬

ইন্দ্রিয়াণাং হি চরতাং যৎ মনঃ অনুবিধীয়তে।
তৎ অস্য হরতি প্রজ্ঞাং বায়ুঃ নাবম্ ইব অম্ভসি ॥ ৬৭

তস্মাৎ যস্য মহাবাহো নিগৃহীতানি সর্বশঃ।
ইন্দ্রিয়াণি ইন্দ্রিয়ার্থেভ্যঃ তস্য প্রজ্ঞা প্রতিষ্ঠিতা ॥ ৬৮

যা নিশা সর্ব ভূতানাং তস্যাং জাগর্তি সংযমী।
যস্যাং জাগ্রতি ভূতানি সা নিশা পশ্যতঃ মুনেঃ ॥ ৬৯

আপূর্যমাণম্ অচল প্রতিষ্ঠং
সমুদ্রম্ আপঃ প্রবিশন্তি যদ্বৎ।
তদ্বৎ কামাঃ যং প্রবিশন্তি সর্বে
সঃ শান্তিম্ আপ্নোতি ন কামকামী ॥ ৭০

বিহায় কামান্ যঃ সর্বান্ পুমান্ চরতি নিঃস্পৃহঃ।
নির্মমঃ নিরহঙ্কারঃ সঃ শান্তিম্ অধিগচ্ছতি ॥ ৭১

এষা ব্রাহ্মী স্থিতিঃ পার্থ নৈনাং প্রাপ্য বিমুহ্যতি।
স্থিত্বা অস্যাম্ অন্তকালে অপি ব্রহ্মনির্বাণম্ ঋচ্ছতি ॥ ৭২

ওঁ তৎসদিতি শ্রীমদ্ভগবদগীতাসূপনিষৎসু ব্রহ্মবিদ্যায়াং যোগশাস্ত্রে শ্রীকৃষ্ণর্জুনসংবাদে
সায়খ্যযোগো নাম দ্বিতীয়োহধ্যায়ঃ।